വെട്ടമെവിടെ...

നമുക്കിടയില്‍ ഇങ്ങനെ മത വിദ്വേഷം ഇട്ടു തന്നത് മത കച്ചവടക്കാരും മതെതരന്‍ എന്നും വര്‍ഗീയന്‍ എന്നും പറയപ്പെടുന്ന രാഷ്ട്രീയ തംബുരാക്കന്മാരും ചേര്‍ന്നാണ്. ഏതെങ്കിലും മതത്തെ പ്രീണിപ്പിക്കുമ്പോള്‍  മറ്റൊരു മതത്തിന് വൃണം ഉണ്ടാകുന്ന നിലയിലേക്ക് കാര്യങ്ങള്‍ എത്തിച്ചിരിക്കുന്നു. മതങ്ങള്‍ ഇടപ്പെടാത്ത ഏത് തെരഞ്ഞെടുപ്പാണ് നമുക്കുള്ളത്? ഏതെങ്കിലും കുടില ചിന്തകന്‍ തന്റെ മതം മാത്രം ശരി എന്ന് പ്രഖ്യാപിക്കുമ്പോള്‍ അത് ആ മതത്തിന്റെ മൊത്തത്തിലുള്ള സ്വരമായി കാണാതിരിക്കുക.
'ഞങ്ങള്‍ക്ക് ജമാ അത്തെ ഇസ്ലാമിയുടെയും ആര്‍ .എസ്.എസ്സിന്റെയും വോട്ടുകള്‍ വേണം' എന്ന് പരസ്യമായി പറയുന്ന സി.പി.ഐ. നേതാവ് ചന്ദ്രപ്പനെ നാം ഏതു തലത്തിലാണ് കാണേണ്ടത്? മുമ്പേ നടന്നു പോയ ഇ.എം.എസ് തങ്ങള്‍ക്കു ആര്‍ എസ് എസിന്റെ വോട്ടു വേണ്ട എന്ന് പറഞ്ഞതുമായി ചന്ദ്രപ്പന്റെ നാവിനെ കൂട്ടി വായിച്ചാല്‍ ഇരുട്ടിലേക്കൊരു വാതില്‍ തുറക്കുന്നത് കാണാം.